Ruta do Monte Castelo
Pola estrada C-640 dirección Lugo, á altura
da Arredoada collemos un camiño á dereita que nos leva por unha pista forestal
ata o Monte Castelo, situado a 340 m. de altitude. Un pouco antes de chegar ó
cume hai un miradoiro dende onde se albisca o val de Landrove e Galdo coa cidade
de Viveiro ó fondo. Xa no cumio do monte desde unha área recreativa ( de
fermosas formacións de rochedos ) pódese divisar Bravos e os quince outeiros
que rodean o val. No alto está situada a ermida en honor a San Martiño que
posue unha romaría entre a última quincena de maio e a primeira de xuño de
grande tradición porque a auga de choiva que permanece nos rochedos
erosionados ó pé da ermida considérase polas xentes dotada de propiedades
curativas para enfermidades relacionadas coas vista e o oído.