|
Entroido: que se atopa entre os máis antigos de Galicia, durante catro días (de
sábado a
martes), os viveirenses saen á rúa para amosa-lo seu humor e cordialidade ós visitantes; esto ten
o seu punto culminante o martes de entroido, co desfile de carrozas, comparsas, grupos, etc,
polas distintas rúas da cidade.
Rapa das Bestas: Declarada tamén de interese Turístico Nacional, celébrase o
primeiro domingo de Xullo, excepto que este sexa o día 1 que pasaría o
2º domingo, ten lugar nos montes do Buio, típica e antiquísima
operación de corta-las colas e crinas, así como a doma de cabalos en estado
salvaxe que se crían naqueles montes.
Romaría de
Naseiro(Romaxe do Bo Xantar): Declarada de Interese Turístico Nacional,
celébrase o cuarto domingo de agosto no lugar de Naseiro á beira do río
Landro, na
parroquia de San Pedro, ten días adicados ó Polbo, Caldo, e a típica
sardiñada,
nos que durante
catro días as xentes comen, cantan e bailan sen parar.
volver |
|
Semana Santa: Declarada de Interese Túristico Nacional. Existen en Viveiro un
bo número de confrarías, entre as que podemos nomear, a da Nosa Señora do
Rosario, Cristo da Piedade, O Prendemento, As Sete Palabras e a Santa Cruz. Podemos nomear entre outras as segintes
procesións: O Encontro que
con imaxes articuladas representa o camiño do calvario de Xesucristo. O
Desencravo e Santo Enterro, que representa o descendemento da Cruz, para
dar paso á procesión do Santo Enterro.A Derradeira Cea, cos pasos da
Cea, Horto, Ecce-Homo, O Nazareno e a Dolorosa.A Paixón, cos pasos do
Prendemento, As Sete Palabras, A Piedade e María ó pé da Cruz.Os
Caladiños, que invita ó rezo e ó recollemento, onde un pobo enteiro acompaña á Dorosa no
seu regreso do Calvario xa avanzada a madrugada..
A Semana Santa viveirense está considerada como unha das mellores de Galicia, pola riqueza das
sus imaxes e pola súa antigüidade.
Festas Patronais: Celébranse a semana do 15 de Agosto, adicadas ó
co-patrón da cidade, San Roque, e a Nosa Señora. Destacan entre os actos
que se desenvolven, a Mostra Folklórica Internacional, que está integrada no
CIOFF, Feira
de Artesanía popular Galega, subida e romaría no monte San Roque a altas
horas da madrugada do día 16, día das cabezudas no souto das
nogueiras, carreira ciclista, campionato de tiro ó prato,etc.
Santiago Apóstolo: O día 25 de xullo no peirao de Celeiro celébranse estas festas cunha
popular procesión marítima pola ría de Viveiro.
|
